გაკვეთილის გეგმა

     

        

გაკვეთილის  მთავარი თემა	ისტ-ით გამდიდრებული სამოდელო  გაკვეთილი ,,მარტივი მექანიზმები/ბერკეტი“ თავი 2/ გაკვეთილი 2.4
ინტეგრირებული საგნები, მასწავლებლის /ების სახელი, გვარი	ფიზიკა:    მაია თათეშვილი
სწავლების საფეხური	საბაზო საფეხური/მე-8 კლასი
მოსწავლეთა პროფილი	კლასში 21 მოსწავლეა. შშმ მოსწავლე კლასში არ არის
გაკვეთილის მნიშვნელობა/აქტუალობა	გაკვეთილი აქტუალურია იმით, რომ მოსწავლეები  გაიმეორებენ და განამტკიცებენ წინა თემას; გააცნობიერებენ მარტივი მექანიზმების მნიშვნელობას და მათი გამოყენების საჭიროებას ყოფა-ცხოვრებაში; განუვითარდებათ ექსპერიმენტის ჩატარების, დაკვირვების, დასკვნის გამოტანის, თვისობრივი ამოცანების ამოხსნის, ჯგუფური მუშაობის, კომუნიკაციის, თანამშრომლობის, მიღებული ცოდნის შეჯამების, ვირტუალურ ლაბორატორიაში მუშაობის, დროის ლიმიტის დაცვის უნარ-ჩვევები; ადეკვატურად გამოიყენებენ ცნებებს და ფორმულებს ამოცანების ამოსახსნელად.
ეროვნული სასწავლო გეგმით განსაზღვრული მოთხოვნები/სტანდარტები	გაკვეთილი პასუხობს ეროვნული სასწავლო გეგმის შემდეგ სტანდარტებს: მიმართულება: მეცნიერული კვლევა-ძიება კვლ.VIII.2.მოსწავლეს შეუძლია კვლევითი   პროცედურის განხორციელება/ მონაცემების აღრიცხვა. შედეგი  თვალსაჩინოა, თუ მოსწავლე: ·          იყენებს შესაბამის მასალას ან/და აღჭურვილობას და ატარებს დაგეგმილ ცდას უსაფრთხოების წესების დაცვით; ·         აწარმოებს  დაკვირვებას ან /და გაზომვებს,    აღრიცხავს მონაცემებს; კვლ.VIII.4. მოსწავლეს შეუძლია  მონაცემთა ანალიზი და შეფასება. ·         განიხილავს  დაკვირვებისა  და გაზომვების დროს  გამოვლენილ  მოულოდნელობებს, ცდილობს მათ  ახსნას. ·         აანალიზებს მონაცემებს  და გამოაქვს დასკვნები;  მიმართულება: ფიზიკური მოვლენები ფიზ.VIII.6.მოსწავლეს შეუძლია სხეულთა წონასწორობის და მარტივი მექანიზმების მოქმედების პრინციპის დახასიათება. აღწერს მარტივ მექანიზმებს (უძრავი და მოძრავი ჭოჭონაქი, ბერკეტი) და მოიპოვებს ინფორმაციას მათი გამოყენების შესახებ ყოფა-ცხოვრებაში; ადეკვატურად იყენებს შესაბამის ცნებებს, კანონებს და ფორმულებს ამოცანების ამოსახსნელად.
წინასწარი ცოდნა	რა არის  სიმძიმის ცენტრი და როგორ დაადგინონ მისი მდებარეობა.  რა არის წონასწორობა და რა სახის წონასწორობები არსებობს.  ძალის გამოსახვა ნახაზზე და  მისი დახასიათება. ამოცანის ამოხსნის  მეთოდები
შეფასების საგანი და პროცედურები	მოსწავლეთა წარმატებას დავადგენ საშინაო  დავალების   შეფასების,    კითხვა-პასუხის, ჯგუფური მუშაობის დროს დაკვირვების და დავალების  შემოწმების, ვირტუალურ ლაბორატორიაში მუშაობისას გაკვეთილზე  მიღებული ცოდნის ტრანსფერის  საფუძველზე.       გამოვიყენებ განმსაზღვრელ და განმავითარებელ შეფასებებს როგორც ინდივიდუალური, ისე ჯგუფური მუშაობისას. (იხ. შეფასების რუბრიკები)
სასწავლო მასალა და ტექნიკური რესურსები	ერთი  კომპიუტერი პროექტორით;  ბერკეტი და ტვირთების ნაკრები ექსპერიმენტისთვის; სახელმძღვანელო, რვეულები და კალმები, ცარცი და დაფა, კომპიუტერული პროგრამა  Ms. PowerPoint; Ms. Word; ვირტუალური ლაბორატორიის პროგრამა http://phet.colorado.edu/en/simulation/balancing-act (გადმოწერე)
გაკვეთილის მსვლელობა/საკლასო მენეჯმენტი	საშინაო დავალების შემოწმება (დამზადებული მდგრადი წონასწორობის მქონე სათამაშოების წარმოდგენა)   (3 წთ); აქტივობა: კითხვა–პასუხი (წინა თემის შესაჯამებლად). მონაწილეობს მთელი კლასი. (იხ.  კითხვები)  (5წთ); მოსწავლეთა ინტერესის გამოწვევის მიზნით პროექტორით ვუშვებ ჩემს მიერ მომზადებული პრეზენტაციის პირველ, გახმოვანებულ ნაწილს (ცოტაოდენი ისტორია) (3 წთ); კლასს მივმართავ კითხვით, რისი მოლოდინი აქვთ, რისი გაგება სურთ? (2 წთ); ვუშვებ პროექტორით პრეზენტაციის მეორე, მესამე ნაწილს (მარტივი მექანიზმები,ბერკეტის წონასწორობა), პარალელურად ვიყენებ დაფას და ცარცს. მოსწავლეები პასუხობენ პრეზენტაციაში დასმულ კითხვებს (5 წთ); ჯგუფებში ვარიგებ ფურცლებს განსხვავებული, მაგრამ ერთი სტილის დავალებით: ,,გამოიცანი“  (4 წთ); ექსპერიმენტი ჯგუფური დავალების შედეგების სადემონსტრაციოდ   (3 წთ); ახალი ტერმინების და მათი განმარტებების დამახსოვრების მიზნით მოსწავლეები ავსებენ კროსვორდს, რომელიც ელექტრონულ ფორმატშია მომზადებული (მოსწავლე გამოდის კომპიუტერთან და თავად ამოწმებს მისი პასუხის მართებულობას) (3 წთ); ვუშვებ პრეზენტაციის მეოთხე ნაწილს (მარტივი მექანიზმები სახლში) და მოსწავლეებს ვრთავ დისკუსიაში, თუ რატომაა თითოეული მათგანი მარტივი მექანიზმი და რა სახის მარტივი მექანიზმია ( 3წთ); ჯგუფებში ვარიგებ ფურცლებს ერთნაირი დავალებით: ,,მოცემული სურათებიდან რომელი არ არის მარტივი მექანიზმი“  (2 წთ); ამოცანის ამოხსნა დაფაზე (3 წთ); ვირტუალურ ლაბორატორიაში სიმულაციური  სამუშაოს შესრულება (თამაში)  (7 წთ); საშინაო დავალების მიცემა (1 წთ); მოსწავლეთა შეფასება (1 წთ);     მოსწავლეების ორგანიზება:  მთელ კლასთან და ჯგუფებში მუშაობა.      ცოდნის კონსტრუირების ფასილიტაციას, ნასწავლის გაერთიანებასა და განმტკიცებას მოვახდენ გზადაგზა, მთელი გაკვეთილის მსვლელობისას ზემოთ აღნიშნული დავალებების საშუალებით.